Улсын драмын эрдмийн театраас ирэх гуравдугаар сарыг сонгодог жүжгийн өдрүүд болгосон. Үзэгчдээ дэлхийн сонгодог бүтээлээр амьсгалах болсон театрын уран бүтээлчдийн тоглолтын хуваарь гарчээ. Сонгодог жүжгийн өдрүүдээр У.Шекспир "Ромео Жульетта”, Софокл "Идип”, Г.Ибсений "Нора” зэрэг жүжгүүдийг тоглохоор болжээ.

Сонгодог жүжгийн өдрүүд дэлхийн алдарт бүтээлүүдийн нэг У.Шекспирийн "Ромео Жульетта” жүжгээр гуравдугаар сарын 6-д эхэлнэ. Харин энэ жүжгийн гол дүр болох үзэсгэлэнт Жульеттад шинэ жүжигчин тоглохоор болжээ. Энэхүү дүрд сонгон шалгаруулалт явуулсны эцэст Г.Номууныг тоглуулахаар болсон байна. 2013 оноос эхлэн театрын жүжигчнээр ажиллаж байгаа Г.Номуун "Үнсгэлжин” жүжгийн гол дүрээс гадна "Ромео Жульетта”-гийн Монтекийн хатагтай, "Тэнгэрийн хүү” жүжгийн Шива гүнж зэрэг олон дүрийг амилуулжээ. Түүний хувьд "Гэгээн муза” наадмаас нэг хүний жүжгийн төрлөөр шилдэг эмэгтэй жүжигчний шагнал хүртэж байсан юм.

Г.Номуун "Гэгээн муза” наадмаас нэг хүний жүжгийн төрлөөр шилдэг эмэгтэй жүжигчний шагнал хүртэж байсан юм.

"Ромео Жульетта”-гийн Жульеттагийн дүрийг бүтээж, "Гэгээн муза 2016” наадмын шилдэг гол дүрийн шагналыг авч байсан О.Дөлгөөн мэргэжил дээшлүүлэхээр болсон байна. Тиймээс театрын зүгээс Жульеттагийн дүрд сонгон шалгаруулалтыг явуулж, Г.Номууныг сонгожээ.

"СОНГОДОГ ЖҮЖГИЙН ӨДРҮҮД” III.06-30

• У.Шекспир "Ромео Жульетта”