Төрийн албыг гэр хорооллын жорлон мэт үнэртэй болгож буй хүмүүсийн нэг бол "Автобус нэгтгэл”-ийн дарга Г.Төмөрбаатар. Тэр Сүхбаатар дүүргийн МАН-ын хороон даргаар олон жил ажилласан. Хэсэгтээ л хуц ухна тавьчихсан мэт авирлаж байлаа. Хааны алба халаатай хойно жилийн өмнө Намын хорооны даргын ажлаасаа буусан. Түүний цорын ганц хүсэл УИХ-ын гишүүн болох. Харамсалтай дүүрэгтээ нэр хүнд муутай, энд тэнд очиж хор хутгаж явдаг түүнийг МАН УИХ-д дэвшүүлээгүй.Тэр цагаас эхлэн дүүргээсээ сонгогдсон УИХ-ынгишүүд болох Ц.Цогзолмаа, Д.Цогтбаатар, Ц.Мөнх-Оргил,Сү.Батболд нарын эсрэг "татар ажиллагаа” явуулж эхэлсэн.  УИХ-ын сонгуульд ганц ч суудал алдаагүй Сүхбаатар дүүргийн намын хороо орон нутгийн сонгуульд ялагдаж цөөнх болсон нь мань хүнтэй шууд холбоотой гэнэ. Тэр намынхаа бодлогыг сөржүүрийн гишүүн бус хүмүүсийг дэвшүүлсэн. Мөн намын бодлогоор нэр дэвшсэн нөхдийнхөө эсрэг сурталчилгаа хийснээс болж тус дүүрэгт Ардчилсан нам ялсан. Энэ бол түүний зорилго байсан гэдгийг намын нөхөд ярих юм билээ. Одоо тэр ирэх Ерөнхийлөгчийн сонгуульд намаа дахин унагахыг санаархан ийнхүү намын эсрэг садан төрлийн хүмүүсийг цуглуулан турхирч байгаа аж. Хамгийн ойрын жишээ гэвэл энэ сарын 14-нд УИХ-ын гишүүд болон Нийслэлийн МАН-ын удирдлагууд намын үүрийн гишүүдтэй уулзалт хийх үеэр түүний гар хөл бологсод эмх замбараагүй байдал үүсгэж хэрүүл шуугиан дэгдээсэн байгаа юм.

Уулзалтын өмнөх өдөр Г.Төмөрбаатар намынхаа удирдлагуудын өмнөөс "дайрах” өөрсдийнхөө хүмүүсийг цуглуулан хоолонд оруулж, мөнгө тарааж "та бүхэн уулзалт "самрах” ажиллагааг сайн хийвэл маргааш нь Итгэлт хамбарууавч явна” гэснийг ойрын эх сурвалжууд хэлж байна. Уулзалт болж түүний хүмүүс хэрүүл шуугиан дэгдээж маргааш нь бүгд хоёр автобусанд хуваагдаад Итгэлт хамбаруу аялжээ.

 Тэр энэхүүулс төрийн бохир үйл ажиллагаандаа албан тушаалаа урвуулан ашиглаж "Автобус нэгтгэл”-ийнхээ ажилчдийг хамруулсан байгаа юм. Ер нь "Автобус нэгтгэл” ОНӨААТҮГ-ын даргаар энэ хүн тавигдсан өдрөөсөө эхлэн тус байгууллагыг өөрийн төрөл садангийн хүмүүсээрээ дүүргэж буй гэнэ. Түүний туслах байсан Д.Отгонсүрэнг Дотоод хяналтын дарга, дүүргийн намын хорооны бичиг хэргийн ажилтан байсан Дуламсүрэнг Хүний нөөцийн албаны дарга, мөн 64-р Үүрийн дарга асан Д.Байгалмаа нь Хангамжийн нярав, 65-р Үүрийн дарга байсан Э.Хүрэлбаатар хяналтын байцаагч, Намын хорооны Ахмадын дарга асан М.Энхцэцэгийг зөвлөх инженер гэх зэргээр тэрбээр ах дүү хамаатан садангаараа "Автобус нэгтгэл”-ийг дүүргэсэн байгаа юм. Тэднийгээ улс төрийн бохир ажиллагаандаа хэрхэн ашиглаж буйг баримтаар удахгүй та бүхэнд харуулах болно. 

 Намынхаа нэр хүндийг шороотой хутгаж буй Г.Төмөрбаатар мэтийн нөхдийг МАН нь хариуцлага тооцохгүй бол төрийн албыг төрөл садангийн хэлхээ болгож тэднийг бохир улс төрдөө ашиглаж байгааг Монголын төр, хууль хяналтын байгууллагууд хараад чимээгүй өнгөрч болно гэж үү. Албан тушаалаа урвуулан ашиглаж, олон хууль тогтоомж зөрчсөнийг тогтоосон баримт байхад хууль, хяналтынхан чимээгүй өнгөрч байхыг бодоход тэд ч бас авилгад идэгдэж идээ бээрэндээ бариулсны тод жишээ юм.

 Г.Төмөрбаатар даргыг "Автобус нэгтгэл”-д хэрхэн дур зоргоороо авирлаж буйг зогсоохоор "Нийслэлийн зорчигч тээврийн нэгтгэл” ОНӨААТҮГ-ын ажилтны үйлдвэрчний эвлэлийн хороод Нийслэлийн Засаг даргад шаардах бичиг хүргүүлсэн ч өдий хүртэл ямар нэгэн арга хэмжээ аваагүй өдий хүрчээ.

Эх сурвалж:tonshuul.mn Ц.Анударь