Индонезийн Суматра аралд өчигдөр цэргийн тээврийн нисэх онгоц хөөрснийхөө дараа орон сууцны хороололд сүйрч, улмаар дэлбэрсэн байна. Үүний улмаас тухайн хэсэгт гал гарсан аж. Онгоцонд 122  хүн зорчиж явсан бөгөөд бүгд нас барсан хэмээн орон нутгийн мэдээллийн агентлагууд дамжуулжээ.  Hercules C130 онгоцонд нисэх багийн 12 гишүүн сууж явсан бөгөөд  хойд Суматра мужийн төв Меданд  сүйрсэн байна. Одоогоор хохирогчдын 49-ийнх нь цогцсыг олжээ. 

Онгоц сүйрэхийг харсан нэгэн гэрч "Нисэх онгоцны буудлаас хөдлөхийг нь харсан. Гэвч удалгүй хазайж, орон сууцны хороолол дундаас утаа гарч буй харагдсан” хэмээн ярьсан байна.  Албаны эх сурвалжуудын мэдээлж буйгаар онгоц Меданаас цэргийн хэрэглэл тээвэрлэн орон нутгийн цагаар өчигдөр орой 00.08 цагийн үед баазаасаа хөөрсөн ч, ойролцоогоор хоёр минутын дараа сүйрчээ.