УИХ-ын гишүүн, Өргөдлийн байнгын хорооны дарга О.Баасанхүү ЗГХЭГ-ын дарга С.Баярцогтыг огцруулах тогтоолын төслийг өргөн барьсан ч хойшлуулсан. Улмаар О.Баасанхүү энэхүү асуудлыг дахин тавина гэдгээ мэдэгдсэн юм. Тэрбээр С.Баярцогтыг огцруулах шалтгаанаа "Хариуцсан салбараа удирдах чадваргүй, Монгол Улсын хууль тогтоомж зөрчсөн” гэж тайлбарладаг. Тэгвэл Өргөдлийн байнгын хороо өнөөдөр хуралдаж хоёр асуудал хэлэлцсэн байна. Уг асуудалдаа С.Баярцогтын асуудлыг дахин хэлэлцжээ.  

Харин хуралдаанаар С.Баярцогтыг  долоо хоногийн дотор өөрчлөх саналыг УИХ-д оруулж ирэхийг Ерөнхий сайдад үүрэг болгосон Байнгын хорооны тогтоолыг баталсан байна.  Тэгэхээр энэ тогтоолын дагуу ирэх долоо  хоногт сайд С.Баярцогтыг Ерөнхий сайд өөрөө огцруулахаар УИХ-д оруулж ирэх магадлалтай байгаа юм.

Л.БАТ