Хор болсон хоолноос монголчууд бид татгалзах цаг нь болжээ. Учир нь хүнсний хэрэглээнд өдөр тутам хэрэглэгдэж байгаа нэмэлт бүтээгдэхүүнүүд бидний амь насанд занал­хийлж аюулын харанга дэлдэх бол­лоо. Тухайлбал энэ сарын 2-ны өдөр Нийслэлийн мэр­гэжлийн хяналтын газраас хүнсний нэмэлт бүтээг­дэхүүний чанарт тандалт су­далгаа хийсэн юм.

Гэтэл уг судалгаагаар ма­най улсад худалдаалагдаж буй 97 нэр төрлийн хүнсний нэмэлт бүтээгдэхүүний 80 хувь нь хүнсний эрүүл ахуйн стандарт хангахгүй, хорт хавдар болон элэгний өвчлөл үүсгэдэг болох нь тогтоогдсон байна. Тандалт судалгаанд 54 үйлдвэрийн 300 орчим нэр төрлийн түү­хий эд, бүтээгдэхүүнийг хам­­руулсан бөгөөд тус бү­тээг­­дэхүүнүүдийн найр­лагад ордог 27 төрлийн бу­дагч бодис долоон төрлийн нөөшлөгч, 30 төрлийн өтгө­рүүлэгч, таван төрлийн хү­чиллэг тохируулагч, най­ман төрлийн өнгө тогт­вор­жуулагч гэх мэт хүнсний нэмэлтүүд хүний эрүүл мэндэд сөргөөр нөлөөлж буйг НМХГ-ынхан илрүүлэн тогтоосон гэсэн үг.

Хэдийгээр НМХГ-ын­хан хор болсон хоолыг хэрэг­лэгчдэд хүргэж байгаа нэр бүхий компаниудыг ил­рүүлж тэдэнд холбогдох бичиг баримтыг илгээгээд байгаа ч тэдний бизнесийн үйл ажиллгаанд сөргөөр нөлөөлж болзошгүй гэдгийг бодолцон энэ удаад нэрийг нь зарлахаас татгалзсан нь энэ аж. Мэдээж хүнсний аюул­гүй байдал гэдэг улс орны нэн түрүүнд анхаарлаа хандуулах зүйлийнх нь нэг. Гэтэл манай улс Хүнс­ний аюулгүй байдалд ач хол­богдол өгөлгүй бай­саар хүний биед хор нө­лөө­­тэй хүнсний бодис, нэ­мэлт бүтээгдэхүүнүүд хил дам­жин орж ирсээр бай­гааг албаныхан хүртэл шүүмж­лэн хэлж байсан юм.

Уг нь ДЭМБ-аас "ард иргэд эрүүл, идэвх­тэй амьдрахад хүрэлцээтэй, эрүүл, тэжээллэг хоол хүнсээр хангагдсан байх нөхцлийг хүнсний аюулгүй байдал” гэж тодорхойлсон байдаг байна. Гэтэл өнөөдөр манай улсад хүнсний чанар, аюулгүй байдлын баталгаа ямар түвшинд байгааг холбогдох албаны хүмүүс тогтоосон ч дорвитой арга хэмжээ авалгүй өнөөдрийг хүрээд байна.

Түүнчлэн манай улсад хамгийн их түгээмэл байгаа зүйл нь хэн дуртай хүн импортоор хүнсний бүтээгдэхүүн оруулж ирж худалдаалж байна. Уг нь гадны улс орнууд импортоор орж ирж байгаа хүнсний бүтээгдэхүүнд аль хэдийнэ хориг тавьж хатуу хяналтын дор импортолдог бөгөөд зөрчил давтагдвал бизнесийн эрхээ алдах эрсдэлтэй байдгаас илүү хариуцлагатай ханддаг байна.

Юутай ч "Хүн идэхийн тулд амьдрах бус амьдрахын тулд иддэг. Гэтэл бидний ууж идэж байгаа хоол хүнс эрүүл мэндэд маань сөргөөр нөлөөлж, бид хоол хэмээн андуурч хор худалдан авсаар байна. Тиймээс хор болсон хүнсний бүтээгдэхүүнээс татгалзья. Бид дараагийн дугаартаа хор болсон хүнс­ний нэмэлт бүтээгдэхүүний нэрсийг хүргэх болно.

Үргэлжлэл бий..