АНУ-ын Техас мужийн иргэн Вера Дики 840 метрийн өндөрт уулын хооронд татсан олсон дээгүүр өндөр өсгийттэй явж олныг гайхашруулав. Бразилын Рио дэ Жанэйро хотод жил бүр болдог олсон дээгүүр явдаг эмэгтэйчүүдийн наадам дээр ийм явдал болжээ. Тэрбээр энэ үзүүлбэрээ бэлтгэхийн тулд олсон дээгүүр хөл нүцгэн явж байсан бөгөөд нэгэн төрлийн дээд амжилтыг тогтоохдоо улаан ягаан өнгийн туфли өмссөн байв. Бразилд анх удаа болж буй "Highgirls Brazil Festival” хэмээх энэ наадамд эрчүүд оролцож болно, гэхдээ заавал даашинз, эмэгтэй хүний хиймэл үс өмссөн байх ёстой гэдэг шаардлагыг зохион байгуулагчид нь тавьсан байна. Ийм төрлийн тэмцээн дэлхийн олон оронд болдог бөгөөд 2014 оны 11 дүгээр сард АНУ-ын иргэн Ник Валленда Чикагогийн өндөр байшингуудын хооронд 183 метрийн өндөрт татсан олсон дээгүүр ямар нэг хамгаалалтгүй, нүдээ боож яван нэгэн өвөрмөц амжилтын эзэн болж байв.

Б.Бат

Эх сурвалж: tonshuul.mn