Энэ цагийн рейтинг өндөртэй, эрэлт ихтэй дуучдын нэг болоод буй А.Хишигдалай анх UBS телевизийн Universe best songs наадмаар олны танил болсон. Бодож санаснаа элдэв баг өмсөлгүй өгүүлэх тэрээр Архангайн охин. Хүүхэд байхын л дуучин болох мөрөөдлөөр жигүүрлэсэн тэрээр хүсэл болоод авьяас байх юм бол амжилтанд хүрдэг гэдгийг үеийнхэндээ төвөггүй харуулсан нэгэн гэж болно.

Өдгөө олон арван уран бүтээлтэй болоод байгаа дуучин бүсгүйн анхны ханш 50 мянган төгрөг байсан аж. Нэгдүгээр курсийн оюутан бүсгүйд  энэ мөнгө дэндүү их санагдаж байсан тухайгаа өдгөө дурсан ярих юм билээ. Тиймдээ ч оюутан байхаасаа л санхүүгийн асуудлаа өөрөө зохицуулчихдаг адтай нэгэн гэж үеийнхэн нь битүүхэн атаархдаг байсан гэдэг. Хамгийн сүүлд дуучин Зоригттой хамтран "Том Толгойтын Романс" УСК-ны дууг дуулсан тэрээр тавиас эхэлсэн түүний ханш энэ шинэ жилээр 2-4 сая хүртлээ өссөн сурагтай.