Зам тээврийн сайд өчигдөр Фэйсбүүк-тээ "Тэсэлгүй сэлфи хийв” хэмээн нэгэн зураг оруулсан нь сошиал сүлжээн дэх олон зуун хэрэглэгчийн дургүйг хүргэв. Зураг авахуулсан газар нь түүний сайдын ажлын өрөө бөгөөд цаана нь албаны байрын хоёр хүн ширээний хоёр талд яавч ажил хэлэлцэн нухацтай суух атал наана нь сайд өнгөрсөн зууны 20-30-аад оны үеийн онгоцны нисгэгчийн малгай гэмээр зүйлийг өмсөн өөрөө авсан зургаа тавьсан байна. Цаанаа болж буй ажил хэрэгт ер анхаарсан шинжгүй, нэлээн дэггүй байгаа байдалтай сайдын энэ зургийн доор сэтгэгдэл бичсэн хүмүүсийн ихэнх нь түүнийг буруутган шүүмжилжээ. Тухайлбал "Энэ эрүүл үү?”, "Хийх ажилгүй юм байх даа?”, "Ийм эргүүгээр сайд хийлгэх ч гэж дээ”, "Тэнэг!” гэхчлэн эгдүүцсэн сэтгэгдлүүд ихэнх нь байх аж. Энэ мэтчилэн хүмүүс эндүүцлээ голдуу илэрхийлсээр хагас өдөр өнгөрсний хойно сайд өөрөө энэ тэлээр хариу барихдаа "Малгай өмсөөд шил зүүчихвэл эргэн тойронд нуль ухаантнууд гараад ирэх юм байна л даа”  гэжээ.