Баривчлагдсан хоригдоод 12 хоносон Зам тээврийн яамны төрийн нарийн бичгийн дарга асан Б.Батзаяа өнгөрсөн баасан гарагт батлан даалтаар суллагдсан билээ. Тэрбээр гарч ирснийхээ маргааш буюу бямба гаригийн өглөө Фэйсбүүк хуудсандаа пост тавьж, өнгөрсөн хугацаанд өөрийг нь дэмжсэн хүмүүст талархал илэрхийлээд "Хийсэн гэм үгүй тул нугарч шантрах зүйл надад үгүй билээ, удахгүй үнэн мөн нь тогтоогдох нь лавтай. Бүхний хамгийн шударга шүүгч ЦАГ ХУГАЦАА” гэсэн юм. Ингэхдээ тэрбээр профайл зургаа сольсон байна. Өмнө нь Б.Батзаяа залуу зураач Н.Гүнчинсүрэнгээр зуруулсан өөрийнхөө хөргийг профайл дээрээ тавдаг байсан бол энэ удаа нэлээд хэдэн жилийн өмнө авахуулсан бололтой, Далай ламтай хамтдаа гараа атгалцан буй фото зургаа тавьжээ.

Л.Ган

Эх сурвалж:tonshuul.mn