Монгол Улсын Ерөнхийлөгчийн сонгууль өчигдөр болж, МАН-аас тус намын дарга М.Энхболд, АН-аас УИХ-ын гишүүн асан Х.Баттулга, МАХН-аас УИХ-ын гишүүн асан С.Ганбаатар нар өрсөлдлөө. Улмаар Х.Баттулга 517478, М.Энхболд 411748, С.Ганбаатар 409899 иргэний саналыг авч, Х.Баттулга, М.Энхболд нар дахин санал хураалтаар өрсөлдөхөөр болсон юм. 

Тэгвэл дахин санал хураалтыг ирэх долдугаар сарын 6-нд хийнэ гэсэн мэдээлэл байна. Ямартай ч ирэх долдугаар сарын 10-ны дотор хийж, шинэ Ерөнхийлөгч долдугаар сарын 10-нд тангараг өргөх юм. 

Шинэ Ерөнхийлөгч тангараг өргөхтэй холбогдуулан Шадар сайд У.Хүрэлсүх "Энэ жилийн наадмын нэг онцлог нь шинэ Ерөнхийлөгч долоодугаар сарын 10-ны өдөр тангараг өргөнө. Мөн өдөр Төрийн далбааны өдрийн арга хэмжээ, цэргийн парад болдог учир наадам эхэлсэнтэй адил өдөр болно" гэсэн юм. 

Б.Анир