Монгол Улсын Ерөнхийлөгчийн сонгууль ирэх зургадугаар сарын 26-нд болно. МАН-аас тус намын дарга М.Энхболд, АН-аас УИХ-ын гишүүн асан Х.Баттулга, МАХН-аас УИХ-ын гишүүн асан С.Ганбаатар нар өрсөлдөхөөр болоод буй. 

Тэгвэл шинээр сонгогдсон Монгол Улсын тав дахь Ерөнхийлөгч ирэх долдугаар сарын 10-нд тангараг өргөх юм байна. Энэ өдөр Төрийн далбааны өдрийн арга хэмжээ, цэргийн парад болдог учир Шадар сайд У.Хүрэлсүх "Энэ жилийн наадмын нэг онцлог нь шинэ Ерөнхийлөгч долоодугаар сарын 10-ны өдөр тангараг өргөнө. Мөн өдөр Төрийн далбааны өдрийн арга хэмжээ, цэргийн парад болдог учир наадам эхэлсэнтэй адил өдөр болно. Тиймээс баяр наадмын хөтөлбөрийг зургаадугаар сарын 20-ны өдөр гэхэд бэлэн болго” гэж үүрэгдсэн юм. 

Нэр дэвшигчдийг саналын хуудаст бичихдээ УИХ-д их суудал авсан намын дарааллаар бичнэ. Тэгэхээр МАН-аас нэр дэвшигч М.Энхболд, АН-аас нэр дэвшигч Х.Баттулга, МАХН-аас нэр дэвшигч С.Ганбаатар гэсэн дарааллаар бичигдэх юм. 

Б.Анир