Монгол Улсын Ерөнхийлөгч Х.Баттулга Монгол Улсаас гадаадын зарим улсуудад суух Элчин сайд нарыг томилох асуудал удааширч байгаа тул үүнийг ойрын хугацаанд шийдвэрлэх шаардлага байгаатай холбогдуулан  Монгол Улсын Ерөнхий сайд У.Хүрэлсүхэд өнөөдөр албан бичиг хүргүүллээ. Уг албан бичигт Монгол Улсыг төлөөлөн гадаад улс оронд ажиллах Элчин сайд нарыг яаралтай томилоход анхаарал хандуулж, Засгийн газрын зүгээс томилуулах хүмүүсийн нэрсийг холбогдох хуулийн дагуу ойрын үед шинээр санал болгоно уу гэсэн байв.

 

Энэ нь Монголын улс төрийн хүрээнд ихээхэн дуулиан дэгдээгээд байна. Товчхондоо бол Ерөнхийлөгч Х.Баттулга МАН-ын лидерүүд болох Боловсролын Сайд, УИХ-ын гишүүн асан Ё.Отгонбаяр,  Ерөнхий сайдын зөвлөх асан Н.Чингүндарь,  Гадаад Харилцааны Дэд сайд асан Г.Тэнгэр нарыг Элчин Сайдын албыг зохих түвшинд хашиж чадахгүй гэж үзэн, тэднийг тохоон томилох тухай зарлиг болон Итгэмжлэх жуух бичгийг гаргах боломжгүй байна гэсэн юм. Мөн М.Энхсайханыг С.Баярын адил эргүүлэн татахыг Засгийн Газарт сануулж, Б.Хурцын асуудал нэгмөр шийдэгдтэл хойшлуулжээ. Энэ нь Ерөнхийлөгч ба МАН-ынхны хооронд бодитой зөрчил бий болгож буй нь нууц биш.