13 настай охиныг хөнөөсөн хэргийг шүүх хурал ирэх баасан гарагт болно
Өнгөрсөн оны наймдугаар сарын 23-ны өдөр Баянзүрх дүүргийн 21 дүгээр хорооны нутаг дэвсгэрт байрлах "Очир” төвийн зочид буудлын нэгэн өрөөнд 13 настай А гэх охин бусдын гарт харамсалтайгаар амиа алдсан хэрэг гарсан.
Тус хэргийг хоёр залуу үйлдсэн бөгөөд тэд охиныг буудалд хууран мэхэлж дагуулж ороод архиар шахаж, улмаар хүчирхийлээд зогсохгүй онц хэрцгий аргаар амь насыг нь хохироосон байдаг.
Тэгвэл, олон нийтийг айдаст автуулаад байсан аймшигт хэргийг үйлдсэн хоёр этгээдийг шүүх хурлын тов гарчээ.
Энэ талаар талийгаачийн аав Т.Лхагвасүрэн "2017 оны наймдугаар сарын 22-23-нд шилжих шөнө энэ хоёр алуурчин миний охины амийг авч одоод 10 гаруй сарын хугацаа болжээ. Энэ хугацаанд сэтгэлийн дэм туслалцаа, хандив үзүүлсэн бүх хүмүүстээ баярлаж байгаагаа бас дахин илэрхийлье. 2018 оны зургадугаар сарын 29-ний өглөө 09.00 цагт Баянзүрх дүүргийн эрүүгийн анхан шатны шүүхэд хоёр алуурчны шүүх хурал болох гэж байгаа тул хэвлэл мэдээллийнхэн, найз нөхөд, миний Монголын сайхан сэтгэлт аав, ээжүүд ирж надад сэтгэлийн дэм хань болж туслалцаа үзүүлэхийг хүсэмжлэн гуйж байна” гэжээ.
Сэтгэгдэл байхгүй байна.