Сүүлийн 18 жил Мексикт 140 орчим сэтгүүлч амиа алджээ
2000 оноос хойш Мексикт 138 сэтгүүлч амиа алдсан тухай тус улсын Хүний эрхийн үндэсний комисс мэдээлжээ.
Тус комиссын мэдээлснээр, 2005 оноос хойш Мексикт олон нийтийн хэвлэл мэдээллийн хэрэгслийн 21 ажилтан ор сураггүй алга болжээ.
"Хэвлэл мэдээллийн ажилтнууд амь насаа алдах, ор сураггүй алга болж буй явдал ихэд нэмэгдэж байгаа нь үндэсний хэмжээнд аюулгүй байдалд юу тохиолдоод байгааг харуулж байна” гэж хүний эрхийг хамгаалагчид илтгэлдээ тэмдэглэжээ.
Мексикийн Газар зүй болон статискийн үндэсний хүрээлэнгийн мэдээлснээр, 2017 онд тус улсад хүний амийг хөнөөсөн 31200 хэрэг гарсан байна. Хүний амийг хөнөөсөн хэргийн улмаас энэ оны эхний хагас л гэхэд Мексикт нийт 16000 хүн амь насаа алджээ. Энэ үзүүлэлт нь өнгөрсөн оны эхний хагастай харьцуулахад 18 хувиар өндөр байсан аж.
Сэтгэгдэл байхгүй байна.