Хадаг мөнгөн аяганы хэнээрхэл МАН-ын “ураг”-т нөлөөлөв
Тэтгэвэрт гарч буй хүнд хадаг мөнгөн аяга өгөөд явуулдаг нэг тийм тогтолцоо байсан. Харин дарга болсон хүнд хадаг мөнгөн аяга бариад гүйдэг ёс "Итгэлт баян”-ы үеэс л үүсэлтэй байх. Залуус түүнийгээ "хүндэтгэл үзүүллээ” гэж бодох нь бүүр ч ичгүүртэй. Гэхдээ энэ нь хязгаартай байв. Зэрэг зиндаа албан тушаал дээгүүр хурган дарга нарын хороонд ийм ёс сүүлийн жилүүдэд их дэлгэрсэн. Гэтэл өнөөдөр бүр залуужиж "ураг”-т нөлөөлж эхэлжээ. Өнгөрсөн долоо хоногт МАН-ын дэргэдэх ирээдүйн улстөрч лидер бэлтгэж буй Нийгмийн ардчилал Монголын оюутны холбооны шинэ генсек Д.Балдорж гэх нөхөр өмнө ажиллаж байсан Х.Энхбат гэх залууд хадаг мөнгөн аяга барьж ажил хүлээлцэж буй зураг цахимаар тарав. Улстөрчдийн хэнээрхэл хийрхэл, нэг нэгэндээ бялдуучлах сэтгэлгээ залууст ийн нөлөөлж байна. Нөгөө 60-н тэрбумын эцэг гэгдээд байгаа Миеэд генералууд виски барьж бөхөлзөх нь эндээс л үүсэлтэй байх. Уг нь Д.Балдорж, Х.Энхбат хоёр жирийн л нэг оюутны байгууллагын генсекүүд. МАН залгамжлах үр хөврөлөө ингэж л хүмүүжүүлж байна даа. Д.Балдорж бол МАН-ын генсек Д.Амарбаясгалангийн туслах.
Энэ залуус юунд суралцаад байгаа юм бол. Нөлөөлөл асар хүчтэй байна. Эерэг талаас нь харах гээд үзэе. Хорин хэдтэй хоёр залуу ажил солилцож байна. Ажлын нь авсан юм чинь яаж хоосон байх вэ гээд мөнгөн аяга хадаг барьжээ. Гэхдээ л энэ бол оюутны байгууллага. Удахгүй ерөнхий боловсролын хоёр сурагч ангийн даргын ажлыг нь хадаг мөнгөн аягатай солилцохвийдээ. Азаар улс төрийн нам дэргэдээ ерөнхий боловсролын сургуульгүй юм даа. Гэхдээ л энэ ёс залуужаад байна. Авлигын далд хэлбэр бол бэлэг юм. Энэ эрдэмд МАН залуусаа арай нялахаас нь сургаад байгаа юм биш үү.
Эх сурвалж:tonshuul.mn
Сэтгэгдэл байхгүй байна.