UBS телевизийн бүтээл болох "Говийн домог” кино  нээлтээ хийснээсээ хойш үзэгчдийг хэсэгтээ л байлдан дагуулж чадсан юм.  Өмнө нь "Содура” кино гарахад "Содура”-ын дүрд тоглосон жүжигчин Очгэрэл олны анхаарлыг ихэд татаж байсан бол  Говийн домогт "Эгээрэл” гүнжийн дүрд тоглосон Б.Замилан гэх оюутан охин олны анхаарлыг ихэд татсан нь гарцаагүй биз ээ. Ийн ганц кинонд тоглож олны танил болсон Б.Замилан саяхны нэг өдөр болсон томоохон арга хэмжээнд хүрэлцэн ирсэн нь манай дуранд буулаа. Тэрээр кинонд харагдах гэнэн охин гэмээр төрхөөсөө салж бүсгүй хүнийг хэв маягийг хэдийнээ бүрдүүлжээ. Түүнийг харсан зарим нэг үзэгчид "Б.Замилан оворжиж, жүжигчин эгч нараасаа ялгархааргүй үеийн мэт харагдах болжээ” хэмээж байсан юм.