Саудын Арабын сэтгүүлчийг Турк улсад хөнөөсөн хэргийг Ираны Ерөнхийлөгч Хасан Рухани зэмлэн буруушааж байгаагаа лхагва гарагт болсон тус улсын засгийн газрын хуралдааны үеэр мэдэгджээ.

 

Х.Рухани АНУ болон Саудын Арабын тал ойр дотно харилцаатайг онцлон тэмдэглээд, энэ хэргийг АНУ-ын талаас өдөөн хатгасан байж магадгүй гэж мэдэгдсэн байна. Тэрбээр энэ хэргийн талаар анх удаа үг хэлсэн нь энэ бөгөөд үүнийг харгис хэрцгий аллага гэж тэмдэглэжээ.

Ираны Ерөнхийлөгч Вашингтоны засаг захиргааг хурцаар шүүмжилсэн бөгөөд Саудын Араб руу зэр зэвсэг экспортолдог зэрэг АНУ-ын дэмжлэг нь Истанбул хот дахь тус улсын Консулын газарт Жамаль Хашоггиг хөнөөхөд хүргэсэн гэж хэлсэн байна.

 

Мөн тэрбээр энэ хэргийн буруутнуудад хатуу арга хэмжээ авахыг олон улсын нийгэмлэгүүдэд уриалжээ.