Пуужин харвасны хариуд Израилийн нисэх онгоцууд цохилт өгч эхэлжээ
Израилийн Агаарын цэргийн хүчин /АЦХ/ тус улсын нутаг дэвсгэр рүү пуужин харвасны хариуд Газын зурвас дахь Палестины босогчдын объектуудад агаарын цохилт өгч эхэлжээ. Энэ тухай Израилийн Батлан хамгаалах яамны "Twitter” сүлжээн дэх албан ёсны хуудсанд мэдээлсэн байна.
"Манай АЦХ-ий нисэх онгоцууд, нисдэг тэргүүд Газын зурвас дахь террористуудын объектуудад цохилт өгч эхэллээ” гэж мэдээлэлд дурдсан байна. Палестины талаас харвасан 14 пуужингийн 8-ыг нь пуужингийн довтолгооноос эсэргүүцэн хамгаалах цогцолбороор амдан сөнөөсөн гэж Израилийн цэргийнхэн эхлээд мэдээлжээ. Сүүлд тус улсын цэргийнхэн палестинчууд 16 пуужин харвалаа гэж мэдээлсэн байна.
Пуужингийн довтолгооноос эсэргүүцэн хамгаалах цогцолборын дуут дохио Сдерот хотод болон Шаар ха-Негев бүс нутгийн зөвлөлд ажилласан гэж Израилийн арми баасан гарагт мэдээлжээ.
Сэтгэгдэл байхгүй байна.