ОХУ-ын оны шилдэг тамирчнаар олимпын аварга Павел Дацюк шалгарчээ

0 69

 

ОХУ-ын Спортын яам оны шилдэг тамирчдыг нэрлэжээ. Шагнал гардуулах ёслол Москва хотод болсон байна. Оны шилдэг тамирчны "Оросын бахархал” төрөлд Санкт-Петербургийн хоккейн СКА багийн довтлогч, олимпын аварга Павел Дацюк шалгарчээ. Оросын шигшээ баг Пёнчаны өвлийн олимпын наадамд алтан медаль хүртсэн юм.


Түүнчлэн энэ шагналыг уран гулгалтын олимпын аварга Алина Загитова хүртжээ. Энэ жил тэрбээр олимпын наадмаас алтан медаль хүртсэн бөгөөд Оросын болон Европын аварга шалгаруулах тэмцээнд ялалт байгуулсан юм.

Оны шилдэг дасгалжуулагчаар Оросын хөлбөмбөгийн шигшээ багийн дасгалжуулагч Станислав Черчесов тодорсон байна. Түүний шигшээ баг түүхэндээ дээд амжилт үзүүлж, ОХУ-д болсон Хөлбөмбөгийн ДАШТ-д анх удаа ¼  шигшээд хүч үзэхээр тунаж үлдсэн аж.

Шагналын эздийг алдартай тамирчид, спортын холбоодын тэргүүнүүд болон  мэргэжилтнүүдээс бүрдсэн шүүгчид сонгосон байна. 
 
Э.Аянзаяа
Эх сурвалж: Монцамэ агентлаг

 


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.