KFC-ИЙН ТАХИАНД ХОРДСОН ИРГЭД ХӨСҮТ-Д ЭМЧЛҮҮЛЖ БАЙНА

0

 KFC-ийн тахианд хордсон иргэд ХӨСҮТ-д эмчлүүлж байна

KFC сүлжээний хоолтой холбоотой гомдол байнга гарах юм. Хамгийн сүүлд гэхэд хоолонд нь хордсон иргэд ХӨСҮТ-д хэвтэн эмчлүүлж байна.

Тодруулбал, энэ сарын 9, 10, 11-нд KFC сүлжээний Зайсан салбарт "Найзууд” багцийг авч идсэн болон захиалж авсан хүмүүс хордлогод орсон байна. Бага насны хүүхэд болон насанд хүрсэн хүмүүс хордлого авсан бөгөөд тэд эмнэлэгт эмчлүүлж байна.
 
Тиймээс тухайн өдрүүдэд KFC сүлжээний Зайсан салбараар үйлчлүүлсэн тэр дундаа "Найзууд" багцыг авч идсэн хүмүүст хоолны хордлогын шинж тэмдэг илэрвэл яаралтай эмнэлэгт хандахыг анхааруулав. 
 
Түүнээс гадна KFC-ийн ажилчид нь хайнга байдлаас болж, гаднаас хулгайч нар орж ирж, хүний цүнх ухах, хоолыг нь булаах зэрэг тохиолдол цөөнгүй гарсан.
 
Тухайлбал өнгөрсөн арванхоёрдугаар сард Хорооллын KFC салбарт хоёр үл таних этгээд орж ирээд утсыг дээрэмдээд гараад явжээ. Тэнд хажууд ямар ч ажилтан байсангүй бүр хамгаалагч ч байгаагүй гэнэ. Зүв зүгээр хоол идэх гээд сууж байхад орж ирж танхайрч хоол авч шидэж байхад хэн ч ирээгүй тэгээд бас болоогүй утас дээрэмдээд гарсанд гомдолтой байгаа талаараа нэгэн иргэн бичсэн байсан.
 
Мөн өнгөрсөн зун 25 дугаар Эмийн сангийн хажууд байрлалтай KFC-д хүүхэдтэйгээ орсон эмэгтэйн хоолыг гаднаас архи уусан этгээд орж ирээд булаагаад зугтаасан байгаа юм.
 
Энэ талаар ажилчдад нь тухайн үед хэлэхэд тоосон шинжгүй. Өөрсдөө хоолоо хурдан идэх нь яасан юм бэ утгатай юм хэлсэн. Хоолоо ч идэж амжаагүй булаалгасан учир дахин авъя гэтэл "Мөнгөө төлөөд ав” гэсэн.
 
Ямар ч харуул хамгаалалт байхгүй. Ядаж архичид, хулгайч хүүхдүүд орж ирэхэд хөөгөөд гаргадаг байх ёстой бус уу.
 
Гэтэл үйлчилгээ нь хэтэрхий удаан хойрго. Хоолоо хүлээсэн хүмүүсийг залхаан цээрлүүлдэг. Хоол авчраад идэх гэхээр гаднаас элдэв янзын юм орж ирж хоол булаадаг гэх мэтчилэн бүтэхгүй асуудал аль ч салбарт нь гарсаар байна.
 
Үйлчилгээний байгууллагад үйлчлүүлэгч хаан байх ёстой гэсэн зарчмаа баримталж мэддэггүй. Хүн шаардлага тавихаар төвөгшөөд уурлаж хүлээж авдаг ийм байгууллагатай холбоотой гомдол санал хүсэлтийг хаана гаргах ёстой юм бол.

Үйлчилгээний байгууллага байж хэрэглэгчээ боддоггүй хоолоо зарж борлуулж л байвал л болоо тэнд хүн алагдаж байна уу, хулгай дээрэм болж байна уу хамаагүй болжээ.

О.Гэрэл
Оллоо.mn 


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.