"Twitter” компани хэд хэдэн хэрэглэгчийн мэдээллийг жил орчмын хугацаанд зөвшөөрөлгүй ашиглаж байсан гэдгээ хүлээн зөвшөөрч, уучлалт хүсжээ. 

 

"Twitter”-ийн хэрэглэгчид утасны аппликейшний талаар сурталчилгаа харсныхаа дараа тухайн аппликейшнийг суулгах эсвэл ямар нэг байдлаар холбогдох үед "Twitter” хэрэглэгчийн мэдээллийг түншүүддээ өгдөг байсан аж. Энэ асуудал 2018 оны 5 дугаар сараас хойш үргэлжилжээ. Түүнчлэн гар утасны төрлийнх нь талаарх таамаглал дээр үндэслэн хэрэглэгчдэд зар сурталчилгаа үзүүлдэг байсан бөгөөд эдгээр мэдээллийг боловсруулахдаа тэднээс зөвшөөрөл авдаггүй байжээ.

Хэрэглэгчийн хувийн нууц дугаар, цахим шуудангийн зурвас болон бусад мэдээллийг гуравдагч этгээдэд дамжуулаагүй гэдгээ "Твиттер” компани мөн мэдэгджээ. Хэдэн хүний мэдээллийг ашигласнаа тус компани дурдаагүй байна.