“Сод Монгол” групп Ц.Анандбазар жирийн иргэний газрыг дээрэмдэх гэж ээ

965 6777

Монголньюс мэдээллийн төвд иргэн Н.Даваадорж сэтгүүлчдэд хандаж, мэдээлэл хийлээ. Тэрээр "Сод Монгол” группийн Ерөнхийлөгч Ц.Анандбазарт өөрийн дугуй засвар ажиллуулж, гэр бүлээ тэжээдэг 12 метр квадрат газраа алдсан талаар мэдээллээ.

Н.Даваадорж 2003 оноос хойш Чингэлтэй дүүргийн 10-р хороонд дугуй засварын ажил эрхэлж байгаа аж. Энэ хугацаанд тухайн газраа эзэмших, ашиглах хүсэлтээ холбогдох бүхий байгууллагад удаа дараа хүсэлт гаргаж байжээ. Ингээд 2005 онд Дүүргийн газрын албанаас "танай дугуй засварын газар Хайлааст фидерийн 10 кв-ийн цахилгаан дамжуулах агаарын шугамын хамгаалалтын зурваст орсон. Тиймээс газрынхаа хэмжээг багасга гэсний дагуу 12 метр квадрат газрыг нэг жилийн хугацаатай газар эзэмшүүлэх 014/005 гэрээ байгуулснаар тус газраа дугуй засвараа үргэлжлүүлэн ажиллаж байжээ. 

Харин 2012 оноос эхлэн тус дүүргийн газрын албанаас түүний дугуй засварын газрыг нураах дээрээ тулсан байна. Үүний учир нь нөгөө цахилгаан дамжуулах агаарын шугамын дор "Сод Монгол” группт шатахуун түгээх станц барих эрх олгосон байжээ. 

Иргэн Н.Даваадорж хэлэхдээ "Ц.Анандбазар бид хоёр Үндсэн хуулиар олгогдсон адил тэнцүү эрхтэй. Энэ хүн дуртай газраа шатахуун түгээх станц бариад байхад иргэн бидэнд 12 метр квадрат газар яагаад олддоггүй юм бэ. ШШГЕГ-ын ажилтнууд миний муу амбаарыг нураах гэж илт хуурамч материалтай /газрын гэрчилгээн дээрх талбайн хэмжээ кдастрын зураг дээрх хэмжээ зөрүүтэй/ тав зургуулаа ирж байна. Мөн Газрын албаныхан өдөр шөнөгүй ирж, яг л Ц.Анандбазарын бие төлөөлөгч шиг "Сод Монгол” группын үйл ажиллагаанд саад боллоо.  Таниас болж алдагдал хүлээлээ гэх мэтээр дарамталж байна” гэлээ. 

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
965 сэтгэгдэл