Япончууд Кунашир Итуруп, Шикотан болон Хабомаи гэж нэрлэдэг Курилийн бүлэг арлын өмнөд үзүүрийн дөрвөн арлыг буцаан өгөхийг шаардсан жагсаал Токио хотод ням гарагт болжээ. 

 

Жагсаалд оролцогчид эдгээр арлыг эргүүлэн авах үйл ажиллагаагаа цаашид үргэлжлүүлэхэд бэлэн байгаагаа мэдэгджээ. Японы Окинава болон хойд газар нутгийн асуудал хариуцсан сайд Сэйити Это жагсаалын үеэр үг хэлэхдээ, хүн амын дунд соён гэгээрүүлэх ажил явуулж, арлын оршин суугчидтай хүмүүнлэгийн солилцоог гүнзгийрүүлнэ гэж мэдэгдсэн байна.

"Бид арлын оршин суугчидтай харилцан ойлголцлоо бэхжүүлэхийн тулд санал солилцох ажлыг цогцоор нь хийнэ” гэж сайд хэлжээ. Жагсаалд 500 хүн оролцсон бөгөөд жагсаал дууссаны дараа тэд хотын гудамжаар хагас км орчим явсан байна. Ийм жагсаалыг 1945 оноос хойш жил бүрийн 12 дугаар сарын 1-нд зохион байгуулсаар иржээ.

Курилийн арлуудын харьяаллын талаар Япон, Оросын хооронд үүссэн газар нутгийн маргаан шийдэгдээгүй хэвээр байгаа билээ.