ОХУ-ын эсрэг эдийн засгийн хориг арга хэмжээг хагас жилээр сунгажээ
Ирэх оны 1 дүгээр сарын 31-нд үйлчлэх хугацаа нь дуусах ОХУ-ын эсрэг эдийн засгийн хориг арга хэмжээг Европын Холбоо хагас жилээр сунгажээ. Энэ тухай ЕХ-ны Зөвлөлийн мэдэгдэлд дурджээ.
"Минскийн хэлэлцээрийг бүрэн хэрэгжүүлээгүйтэй холбоотойгоор Европын Зөвлөл ОХУ-ын эсрэг эдийн засгийн хориг арга хэмжээг сунгах шийдвэрийг санал нэгтэй баталсан” хэмээн баримт бичигт дурджээ.
Украинд болсон үйл явдал болон Крымыг Орост нэгтгэхтэй холбоотойгоор ЕХ ОХУ-ын эсрэг 2014 он хориг арга хэмжээ авсан юм. Хоригийг нэг бус удаа өргөтгөн, хугацааг нь сунгаж байсан юм.