Францын ерөнхийлөгч Макрон тус улсын тэтгэвэр, тэтгэмжийн системд өөрчлөлт оруулахаар төлөвлөөд байгаа юм. Тэгвэл энэ өөрчлөлтийг эсэргүүцсэн иргэдийн жагсаал болон ажил хаялт Францын 100 гаруй хотод өрнөөд байна.

Ерөнхийлөгч Макроны засаг захиргааны боловсруулаад байгаа шинэчлэлтийн төлөвлөгөөний дагуу Франц иргэдийн тэтгэвэрт гарах насыг нэмж, мөн тэтгэвэр, тэтгэмжийн хэмжээг бууруулах талаар тусгасан юм. Харин энэхүү шинэчлэлтийг эсэргүүцсэн иргэдийн жагсаал болох үеэр Францын зарим хотод иргэд болон жагсагчдын хооронд мөргөлдөөн гарсан байна. 800 000 гаруй хүнийг хамраад байгаа эсэргүүцлийн хөдөлгөөнөөс үүдэн Францын зарим сургуулиуд хаагдахад хүрээд байгаагаар зогсохгүй нийтийн тээврийн үйлчилгээ гацаанд оржээ. 

Мөн өнгөрсөн бямба гарагт цагдаа нарыг эсэргүүцсэн жагсаал өрнөлөө. 15 мянган хүнийг эгнээндээ нэгтгэсэн эсэргүүцлийн жагсаал дөрвөн жилийн өмнө цагдаад саатуулагдах үедээ амь насаа алдсан өнгөт арьст Адама гэх залуугийн асуудлыг хөндөж тавьсан байна. Түүнчлэн тус улсын цагдаагийн байгууллагыг иргэдэд хэт дээрэнгүй хандаж байна хэмээн ийнхүү эсэргүүцлийн жагсаалыг өрнүүлжээ. 

АНУ-аас үүдэлтэй цагдаагийн эсрэг ард иргэдийн жагсаал Их Британид өрнөсөн байна. Өнгөрсөн 13-нд цагдаагийн байр руу дайрсан гэх үндэслэлээр 100 шаоуй жагсагч саатуулагдаад байна. 

Г.БИЛИГТ