Хоёр өдөр дарааллан орсон борооны улмаас нийслэлээс зүүн тийш чиглэсэн автозам болон төмөр замд гэмтэл гарсан . Өчигдөр урд чиглэлийн төмөр замд гэмтэл гарсан учраас Замын-Үүд чиглэлийн галт тэрэгний хөдөлгөөнийг хязгаарлаад байсан юм. Түүнчлэн   автозам, зам байгууламжууд үерт эвдэрсэн тул иргэдийн амь нас, эрүүл мэнд, эд хөрөнгийг болзошгүй гамшгаас урьдчилан сэргийлэх  зорилгоор Улаанбаатар-Мандалговь, Улаанбаатар-Өндөрхаан, Улаанбаатар-Чойр чиглэлийн авто зам, замын байгууламжийг  06 дугаар сарын 22-ны өдрийн 00:00 цагаас мөн өдрийн 15:00 цаг хүртэл түр хугацаагаар хязгаарлаад байна гэж Онцгой байдлын ерөнхий газраас мэдээллээ.