Үндэстнүүдийн лигийн тэмцээний хэсгийн хоёр дахь тоглолтууд эхэллээ. Өнгөрсөн шөнө А4 хэсэгт багтсан Испанийн шигшээ баг талбайдаа Украиныг хүлээж авч, 4:0-ээр буулгаж авлаа. Ингэснээр хэсгээ 4 оноотой тэргүүлж эхэллээ.  Тоглолтын 3, 29 дэх минутад Рамос дубль хийж, тэргүүллийг багтаа авчирсан.  Улмаар 32 дахь минутад Фати нэгийг нэмсэн бол Ферран Торрес 84 дэх минутад гүйцээжээ. 

Энэ хэсгийн нөгөө тоглолт Швейцарь болон Германы шигшээ багийн хооронд болж, 1:1-ээр тэнцлээ.  Эхний тойрогт талбайдаа Испанитай тэнцсэн Германы шигшээ ийнхүү дахин оноо хувааж байна.  Тоглолтын 14 дэх минутад Гюндоган гоолдож, тооны харьцааг нээсэн.  Харин 57 дахь минутад Видмер тэнцүүлжээ.