“Таж Махал”-ыг нээжээ
Энэтхэгийн Уттар Прапеш мужийн Агра хотод оршдог "Таж Махал”-ыг даваа гаргаас нээжээ. Дэлхийн өвд бүртгэгдсэн уг байгууламж нь коронавирусний халдварын улмаас зургаан сар гаруйн турш хаалгаа бариад байсан юм.
"Таж Махал”-ыг өдөрт 5000 жуулчин үзэж сонирхох боломжтой бөгөөд өдрийн 14 цагаас өмнө 2500 хүн, түүнээс хойш үлдсэн 2500 хүнийг хүлээн авах ажээ. Мөн үзэгчид амны хаалт заавал зүүх шаардлагатай бөгөөд бүх тасалбарыг цахимаар худалдаална.
Жуулчдын сонирхлыг ихэд татдаг "Таж Махал” жилд долоон сая гадаадын жуулчин хүлээн авдаг боловч шинэ коронавирусний халдварын улмаас энэ оны гуравдугаар сарын 17-ноос хаагдсан юм.
Энэтхэгт халдварын тохиолдлын тоо нэмэгдсээр байгаа хэдий ч Засгийн газар халдвараас сэргийлэх хязгаарлалтыг дахин сулруулах шийдвэр гаргасантай холбогдуулан дурсгалт газруудыг дахин нээж буй нь энэ ажээ. Уттар Прапеш муж нь Энэтхэгтээ халдвар хамгийн их тархсан мужуудын тавдугаарт бичигдэж байна.
Сэтгэгдэл байхгүй байна.