Засмал замын дугуйн улсын аварга шалгаруулах уралдаан энэ сарын 25-27-нд Төв аймгийн Алтанбулаг сум болон "Монгол наадам” цогцолборын замд болно.

Гурван өдөр үргэлжлэх тус тэмцээн нийтдээ 12 насны ангилалд зохион байгуулж, медальт байрын эздийг тодруулах аж. Тухайлбал, элит төрөлд эрэгтэй, эмэгтэй шилдэг дугуйчид өрсөлдөх бол өсвөр үе ангиллын хөвгүүд 15-16, 17-18 нас, охид 15-18 насны ангиллаар хурдаа сорино. Харин мастер (ахмадын) төрөлд 30-39, 40-49, 50-59 нас, 60-аас дээш нас гэсэн ангиллаар явагдана. Сонирхогчдын төрөлд эрэгтэйчүүд 19-34 нас, эмэгтэйчүүд 19-өөс дээш нас гэсэн ангиллаар уралдах юм байна.