Шороотой "бөх”-чүүд нийслэлд нэр дэвшиж байна. Тодруулбал, НИТХ-д нэр нэвших МАН-ын 45 нэр дэвшигч тодроод байгаа. Тэгвэл нэр дэвшигчид дунд сонгуульд ялагдсан, хариуцлага алдаж, ажлаасаа халагдсан хүмүүс багтсан нь шүүмжлэл дагуулаад байна. Үүний нэг нь НИТХ дахь МАН-ын бүлгийн дарга Д.Ихбаяр ажээ.

Нэр дэвшигч Д.Ихбаяр хоёр жилийн өмнө хариулцлага алдаж, Хотын орлогчийн суудлаасаа бууж байлаа. Тодруулбал, 2022 онд Нийслэлийн агаар орчны бохирдлын асуудал хариуцсан төслүүдийн удирдагчаар ажиллаж байсан. Гэвч тэрбээр ажлаа аваад 17 хонож байхдаа "Шахмал түлшний үнэ хямд байгаа учир иргэд ихээр түлж, агаарын бохирдолд нөлөөлж байна” хэмээн хэвлэлд ярилцлага өгч байсан удаатай.