Өмнөд Солонгос улсын Чолла аймгийн Жанхун тосгоны захиргаа Нобелийн шагналт зохиолч Хан Каны эцэг, зохиолч Хан Сын Воны төрсөн гэрийг худалдан авч уран зохиолын ордон болгож тохижуулахаар болсон байна. Тосгоны захиргааны албаны хүний хэлснээр уг ордонг утга зохиолын ном сурвалж, зохиолч аав, охин хоёрын хэрэглэж байсан эд зүйлс, гэрэл зураг зэргээр тохижуулах ажээ. Бяцхан загасчны тосгонд байрлах зохиолчийн төрсөн газарт эцэг, охин хоёрын бага залуу насны дурсамж болсон тоглоомын талбай хүртэл бий. Түүний ойролцоо "Зохиолч Хан Сын Воны уран зохиолын бүлгэм” хэмээх сайн дурын байгууллага үйл ажиллагаа явуулдаг ч яг төрсөн гэр нь зохиолчийн хамаатны эзэмшилд хоосон байжээ. Харин Хан Сын Вон зохиолч өөрөө төрөлх тосгоноосоо 20 км-ийн зайд орших Анян сууринд аж төрж байна. Тосгоны захиргаа цаашид Нобелийн шагнал хүртсэн Хан Кан зохиолчийн уран зохиолын ордонг мөн байгуулахаар төлөвлөж буйгаа дурджээ.