Уимблдоны нээлттэй тэмцээний хоёр удаагийн аварга Испанийн Рафаэль Надаль Герман, ямайкийн давхар иргэншилтэй Дастин Браун хэмээх сураггүй теннисчинд хожигдож, нутаг буцахаар болсон билээ. Теннисний ертөнцөд домг болон мөнхрөх нь гарцаагүй испани залуу харамсалтай нь нэгэн таагүй үзүүлэлтээр мөн түүхэнд орох болж байна. Тэрбээр  Уимблдонд сүүлийн дөрвөн жил дараалан 100-гаас дүүш чансаатай теннисчинд хожигджээ.

2010 онд түрүүлж, 2011 онд шигшээд шалгаран Н.Жоковичид дийлдэж байсан тэрбээр 2012 онд хоёрдугаар тойрогт чансааны 100 дахь теннисчин Лукаш Росолд, 2013 онд эхний даваанд чансааны 135 Стив Дарсист, өнгөрсөн жил дөрөвдүгээр тойрогт чансааны 144 Ник Киргиост дийлдэж байсан юм.

Х.Сайхан