Монголд тээврийн хэрэгслийн жолоочийн шалгалт авах, үнэмлэх олгох үйл ажиллагааг өнөөдрийг хүртэл цагдаагийн байгууллага хариуцаж байна. Тэгвэл энэ бүхэн дээр багагүй хэл ам, шүүмжлэл байдгийг олон нийтийн зүгээс хэлдэг. Өөрөөр хэлбэл, цагдаагийн байгууллага бус өөр мэргэжлийн байгууллага уг үйл ажиллагааг үргэлжлүүлэх ёстой гэж үзэх хүн цөөнгүй.

Гэтэл УИХ-ын өчигдрийн чуулганы хуралдаанаар жолооны үнэмлэх олгох асуудлыг мөн л цагдаагийн байгууллагад хэвээр нь үлдээхээр олонхи нь дэмжлээ.

Тэгвэл энэ бүгдээс цагдаагийн байгууллага жолоочийн шалгалт авах, жолооны үнэмлэх олгох ажлыг эрхлэх нь тус байгууллагын үндсэн чиг үүрэгт хэр тохирох вэ гэдэг асуулт гарч ирж байгаа юм.