Оросын Ерөнхийлөгч Владимир Путин "BRICS"-ийн дээд хэмжээний уулзалтад оролцохоор ирсэн Энэтхэгийн Ерөнхий сайд Нарендра Модитой уулзлаа.

Талууд улстөр, эдийн засгийн харилцааны талаар төдийгүй спортын асуудлыг ч хөнджээ. "Би Энэтхэгийн йогуудын урлагийг гайхан биширдэг. Ойрын хугацаанд йогоор хичээллэж эхэлнэ" гэж Путин Энэтхэгийн Ерөнхий сайдад амлалаа.

Путин "Би олон спортоор хичээллэсэн, хичээллэж ч байгаа. Харин йог хүний анхаарлыг татахгүй байхын аргагүй төрөл. Би өөрийн спортын бэлтгэлийн түвшингээс хамааран юу хийж чадахаа үзнэ. Өмнө нь яагаад йогоор хичээллэж байгаагүй вэ гэвэл жинхэнэ йогуудыг хараад тэдэн шиг төгс төгөлдөрт хүрэх боломжгүй мэт санагддаг байсан юм. Чухам энэ л намайг зогсоож байсан" гэж ярьсан байна.

Сонирхуулахад, Энэтхэгийн Ерөнхий сайд Нарендра Моди өөрөө йогоор хичээллэдэг төдийгүй Дэлхийн йогийн өдрийг анх санаачилсан билээ. Саяхан болж өнгөрсөн Дэлхийн йогийн өдөр Ерөнхий сайд өөрөө олон сая хүнтэй цуг талбайд йог хийсэн тухай манай сайт өмнө хүргэсэн. http://mnews.mn/news/49/single/24654

Энэтхэгийн Ерөнхий сайд Нарендра Моди Дэлхийн йогийн өдөр.