Зимбабвегийн цагдаа нар АНУ-ын жуулчин Палмерыг аялж явахдаа тус улсын хамгийн алдартай Сицил нэртэй арсланг хөнөөсөн хэрэгт буруутган баривчисан байна. Тэдэнд ангийн зөвшөөрөл байгаагүй бөгөөд гэм буруутай болох нь тогтоогдвол 15 жил хүртэл хорих ял авах юм.

Америк шүдний эмч ан хийж дууссаны дараа агнасан арслангийнхаа тухай мэдэж авчээ. Харин Палмер ангийн зөвшөөрөл ба агнах арслангаа олохдоо мэргэжлийн хөтөч нарт найдсан гэж ярьжээ.

Зимбабве улсын Байгаль Хамгаалах Тусгай хүчнээс мэдээлсэнээр, Палмер арсланг винтов буугаар буудсаны дараа арьсыг нь өвчиж, толгойг нь авчээ. Үүнд тусалсан мэргэжлийн анчин ба фермийн эзнийг баривчилсан байна.

Америк  жуулчинд буудуулсан Сицил бол алдарт Хванге Үндэсний Цэцэрлэгт Хүрээлэнд жуулчдын анхаарлыг хамгийн их татдаг арслан байжээ. Зуу орчим жилийн өмнө Африкт 200 мянган арслан байсан бол одоо арслангийн тоо толгой 30 мянга хүртэл буураад байгаа аж.