Олон нийтийн газар байнга чармай нүцгэн гарч ирдэг тул нийтдээ 10 жилийг өргөст торны цаана өнгөрүүлсэн 56 настай Стивен Гоф гэгч этгээд цаашид ч эхээс төрсөн биеэрээ явах бодолтой байгаа гэнэ шүү. 

Өнгөрсөн сарын 14-нд шоронгоос суллагдаад британи эр бүх насаараа хоригдох ял сонссон ч нүцгэн явахаа зогсоохгүй гэж мэдэгджээ. Шүүх ажиллагаа, давж заалдах шатны шүүх хурлууд, Гофыг хорих газар байлгах зэрэгт Их Британийн татвар төлөгчид бараг нэг сая фунт стерлинг зарцуулжээ. 

Яг өдгөө Гоф өөрийн төрөлх нутаг болох Гэмпшир гүнлигийн Истли суурин руу хүүхдүүдтэйгээ уулзахаар явган явж байгаа аж. Гэхдээ энэ удаа саатуулагдахгүйн тулд "Нүцгэн гуйлгачин” эр аяллаа хувцастай хийж байгаа гэнэ шүү. 

Гоф энэхүү алдарт нэрээ 2003 онд авсан юм. Тэгэхэд тэрбээр чармай нүцгэнээр Их Британийг хөндлөн гулд туулсан аж. Хөлөндөө оймс, гутал углаж, нуруундаа үүргэвч үүрч, толгой дээрээ үе үе бүрх малгай тавьж байсныг эс тооцвол Гоф шалдан таваргажээ. 2005 онд аялагч эр дээд амжилтаа давтахыг оролдсон ч замдаа саатуулагдсан билээ.