"Шинэ үе” продакшнаар овоглож олон мянган фенүүддээ инээд бэлэглэж байдаг гал цогтой жүжигчин Г.Ундармаа сүүлийн үед дэлгэцийн урлагт хүчин зүтгэх болсон. Тайзны урлагаас хөндийрч продакшнаа орхисон тэрээр хэд хэдэн дэлгэцийн бүтээл гаргаж нэлээдгүй амжилт үзүүлээд байгаа. Тэгвэл жүжигчин Г.Ундармаа саяхан хийсэн киноныхоо зураг авалтанд зориулж 10 кг жин хаясан гэнэ. Энэ тухайгаа өөрийн цахим хуудаснаа найз нартайгаа хуваалцсан бөгөөд түүний турсан туршлагыг олон бүсгүйчүүд асуужээ. Тиймээс жүжигчин бүсгүй маань өөрийнхөө зөвлөгөөг ийн хүргэжээ. "Орой 19.00 цагаас хоол идэхгүй. Ус баг багаар сайн ууна. Цагаан будаа гурилнаас аль болох татгалзах. Нэг дор их идэхгүй. Хоолоо маш сайн зажилж идвэл хурдан боловсрохоос гадна шингэлж өгч байна гэсэн үг. Хөргөгчинд амттан байхгүй тараг ногоо жимс мах байх. Мөн бүхэл үрийн талх байж болно. Одоо бол шинэ ургацын ногоо хямдхан байгаа учраас бүсгүйчүүдэд турах боломж бүр их байна гэсэн үг. Турна гэдэг цэвэр хоолных байдаг юм байна лээ. Бие хөнгөрөөд урамтай шүү” хэмээн зөвлөжээ.

Эх сурвалж: