Орон сууцын зээлийн хүүг таван хувь болгох талаар УИХ-ын дарга ярьж эхэлсэн нь нийгэмд мөн л хүлээлт үүсгэж байна. Тэгвэл З.Энхболд даргын энэ саналтай МАН-ын гишүүд болоод бие даагчдаас бусад 47 гишүүн нэгджээ.Энэ талаарУИХ-ын дарга З.Энхболд "Ипотекийн зээлийн хүүг бууруулна гэдэг боломжгүй асуудал биш. Үндсэн хуулийн Цэц, МАН, бие даагч гишүүд л саад хийхгүй бол энэ ажил хэвийн явна. Хуулийг 47 гишүүн өргөн барьсан учраас ногоон гэрлээр батлагдана” хэмээсэн байна. Өнөөдөр ипотекийн зээлд хамрагдагчдын тоо 75 мянгад хүрч нийт 3.5 их наяд төгрөг уг зээлд "түгжигдчээд" байгаа. Улсын түвшинд авч үзвэл ипотекийн зээлийн зөвхөн хүүнд нь гэхэд иргэд сард дунджаар 23.3 тэрбум төгрөгийг төлж байна. Үүнээс чанаргүй зээлийн эзлэх хувь 0.6 байна гэдэг эрсдэлгүй, найдвартай зээл гэдгийг харуулж буй хэрэг. Тэгвэл энэ талаар судлаачид эсрэг байр суурьтай байгаа юм. Тэдний үзэж буйгаар Ипотекийн зээлийг 5 хувьтайгаар хэрэгжүүлхэд шинээр зээлд хамрагдагчдын тоо 3750 өрхөөр нэмэгдэх тооцоо байгаа гэнэ. Мөн урьдчилгаа төлбөрийг 20 хувь болгон бууруулж 10 хувийг нь засгаас төлөх боломжтой гэдэг яриаг үндэслэлгүй хэмээн үзэж байна. Энэ талаар эдийн засагч Х.Батсуурь "Хэрэв энэ тооцоолол зөв бол үүнийг санхүүжүүлэхэд хамгийн багадаа 400-450 тэрбум төгрөг олох шинэ эх үүсвэр шаардагдана. Ийм чадамж байхгүй” хэмээв.