Долоо хоног бүрийн пүрэв гарагт болдог "Сайдын цаг" уулзалтад өнөөдөр Засгийн газрын хуралдааны танхимд боллоо. Өнөөдрийн уг уулзалтад Сангийн сайд Б.Болор болон ТГЕГ-ын дарга С.Пүрэв нар оролцож Эдийн засгийн ил тод байдлын тухай хууль хэрэгжиж дууссантай холбогдуулан тодорхой мэдээлэл өгсөн юм.

Уг хуулийн хугацааг УИХ-аас анх батлахдаа 2015 оны арванхоёрдугаар сарын 31-ны өдрийн дотор нуусан болон далд хөрөнгөө ил болгох шаардлагатай гэж баталсан. Харин өнгөрсөн арванхоёрдугаар сард уг хуулийн төслийн хэрэгжиж дуусах хугацааг сунгах ёстой гэж үзэн хоёрдугаар сар хүртэл сунгасан юм.

Сангийн сайд Б.Болор хэлэхдээ "Эдийн засгийн ил тод байдлын тухай хуулийн төсөл зорьсон зорилгодоо хүрсэн. 2007 оны хуулиас үр дүн нь эрс ялгаатай гарлаа. Гэхдээ энэ тоо урдчилсан байдлаар гарсан тоо гэдгийг анхаарах хэрэгтэй. Эцсийн дүн гарахад төдийлөн өөрчлөлт орохгүй болов уу гэж бодож байна" гэсэн юм. Тодруулбал, 2007 онд хэрэгжсэн татварын өршөөлийн хуулиар 4.5 их наяд төгрөг улсын төсөвт төвлөрсөн бол энэ удаагийн Эдийн засгийн ил тод байдлыг дэмжих тухай хуулийн хэрэгжилт 2016 оны 2 дугаар сарын 20-ны өдрийн байдлаар гаргасан урьдчилсан мэдээллийн хүрээнд 34.7 их наяд төгрөгийн хөрөнгө, орлого ил болж, 8.3 их наяд төгрөгийн татвар болон 2.5их наяд төгрөгийн торгууль, алдангиас  тус тус чөлөөлөөд байгаа аж.  Энэхүү орлогыг ил болгохтой холбоотойгоор иргэд, аж ахуйн нэгжүүд 21275 санхүүгийн тайлан,89394татварынтайлан,4165нийгмийн даатгалын тайлан, 8140 гаалийн нөхөн мэдүүлгийг холбогдох байгууллагад хүргүүлж, 647төрлийн эд хөрөнгийн болон744 хуулийн этгээдийн бүртгэлд1176 удаагийн нэмэлт, өөрчлөлт оруулаад байна.