Өнгөрсөн баасан гариг буюу энэ сарын 26-ны өглөө үүрээр 05:00 цагийн үед "Шөлөндөө” 24 цагийн цайны газрын нэгэн салбарыг хар баг зүүсэн этгээдүүд щдээрэмдэж, ажилчныг нь хүчирхийлсэн хэрэг гарчээ. Тухайн газар нь камерын хяналтгүй байсан бөгөөд хэрэг гарах үед "Шөлөндөө”-гийн тухайн салбарт Чингэлтэй дүүрэгт оршин суух, 42 настай тогооч, Сонгинохайрхан дүүргийн харьяат, 24 настай зөөгчийн хамт хоёулханаа ажиллаж байжээ.

Шөнийн 03:00 цагийн үед цахилгаан нь тасарч, харанхуй болох үед гэмт этгээдүүд гаднаас орж ирэн халджээ. Гэмт этгээдүүд тухайн үед хар бараан хувцастай, баг зүүсэн байсан бөгөөд нэг нь өндөр, нөгөө нь намхан, 20 орчим насны залуус байсан талаар хохирогчид цагдаад мэдүүлсэн байна. Тэд хохирогчдыг айлган сүрдүүлж, гар хөл, амыг нь скочдож, тэр өдрийн орлого болох 200 мянган төгрөгийг нь дээрэмдээд зогсохгүй зөөгч болох 24 настай бүсгүйг хүчирхийлээд зугтжээ. Энэхүү хэргийг Сүхбаатар дүүргийн цагдаагийн хоёрдугаар хэлтэст эрүүгийн хэрэг үүсгэн шалгаж байна.

О.Сайхан