Ч.ЗОТОЛ

Байгалийн сайханд амарч, хорхог, боодог эргүүлсэн шигээ явсан Барилга, хот байгуулалтын сайд Ц.Баярсайхан  тун бажга хүн юм. Найзууд нь боодог идэж байгаа зургаа цахим хуудастаа байршуулж, төрийн сайдтай суудал зэрэгцэв гэхчлэн хошин тайлбарууд хийж, жиргээчид ганц нэг сэтгэгдэл нэмсэн төдийд сандран Улаанбаатарт давхиж иржээ. Ирэнгүүтээ барилгын материалын үнэ ханштай танилцаж байна хэмээн "100 айл”  орчмыг гороолж, бас болоогүй хэвлэлийнхнийг  бараа бологч болгон гангараад авав. Ингэснээрээ  "ЭЗЭН-100” хөтөлбөрийн хүрээнд ажил хэрэгч дүр эсгэж байгаа бололтой юм. Бусад нь ч яахав гэхэд улстөрчийнхөө хувьд  өрсөлдөгчдийнхөө өмнө  бажга гэдгээ баталсан нь тоогүй.

Зууны мэдээ