Реогийн олимпийг заналхийлэв
Иракийн хэт даврагч "Халифын вант улс” бүлэглэл өчигдөр твиттер хуудсаараа дамжуулан Бразилийн эрх баригчдыг заналхийлсэн талаар "www.dailymail.co.uk” мэдээллээ. Хэт даврагчид твиттертээ зуны олимп болох Рео де Женейро хотын гэрэл зураг болон спортын тэмцээн явагдах цэнгэлдэх хүрээлэнгүүдийн зургийг нийтэлж "Та нарт бэлдсэн бэлэг бий. Бэлгээ олимпийн үеэр задлах болно” гэж жиргэжээ.
Хэт даврагчид олимпийн үеэр АНУ, Их Британи, Австрали, Канадын баг тамирчдын байрлаж буй хотхоныг дэлбэлэх болно хэмээн мөн заналхийлсэн аж. Бразилийн Тагнуулын байгууллага твиттерт нийтлэгдсэн уг жиргээний жинхэнэ эзнийг олохоор ажиллаж байна. Мөн иргэдийг хэт даврагчдын сүрдүүлгээс айхгүй байхыг уриалжээ.
Сэтгэгдэл байхгүй байна.