WADA-гаас олимпийн эрхийг нь хассан тамирчдын асуудлыг хэлэлцэнэ
WADA-гаас олимпийн эрхийг нь хассан зарим тамирчдын асуудлыг ирэх сард хэлэлцэх болжээ. WADA, Дэлхийн сэргээшийн эсрэг агентлагийн удирдлагаас 2016 оны нэгдүгээр сарын 1-ний өдрөөс эхлэн хэрэглэхийг хориглосон мельдоний хэрэглэснээс болж олимпийн эрхээ хасуулсан зарим тамирчдын асуудлыг ирэх сард дахин авч хэлэлцэх болжээ. ВАДА-гийн ерөнхийлөгч Крейг Риди "Манай шилдэг эрдэмтэд ХБНГУ-ын Кёльн хотод эрдэм шинжилгээний хүрээлэнд мельдонийн талаар судалгаа, туршилт хийж байна, үр дүнг нь зургаадугаар сарын дундуур танилцуулах байх гэж найдаж байна. Мельдоний хүний бие бялдраас ямар хугацаанд гадагшладаг тухай мэдээлэл бидэнд маш чухал байна. Энэ бэлдмэл нь тамирчдын үзүүлэлтүүдийг сайжруулж байдагт бид баярлаж байдаг.” гэж хэлжээ. Энэ дөрөвдүгээр сард Серби улсад болсон олимпийн наадмын европийн сонгон шалгаруулах тэмцээнээс эрэгтэй чөлөөт бөхийн 65 кг-ын жинд авсан олимпийн эрхээ хасуулсан Магомедмурад Гажиевийн эрхийг сэргээх хүсэлтийг Польшийн бөхийн холбооноос UWW, Дэлхийн бөхийн нэгдсэн холбоонд гаргасан байна.
Сэтгэгдэл байхгүй байна.