Бекхэмийн хүү загварын сэтгүүлийн ковер болов
Мэргэжлийн хөлбөмбөгийн амьд домог гэгддэг Дэвид Бекхэмын 17 настай хүү Бруклин загварын "Vogue” сэтгүүлийн нүүрийг чимжээ. Англи гаралтай хэдий ч, эцэг нь 2007-2012 он хүртэл ажлын шаардлагаар Лос-Анжелест ажиллахаар болсонтой холбоотойгоор Бруклин Лос-Анжелест амьдарч байсан.
Одоо ч гэсэн Англи, Америкийн хооронд амьдарч буй бөгөөд энэ оны дөрөвдүгээр сард Холливудын халуухан эмэгтэй жүжигчдийн залгамж халаа гэгддэг Хлое Морицтой үерхэж эхэлсэн билээ. Тэгвэл Бруклин костьюм өмсч, эрвээхий зангиа, бүрх малгай өмсч, "L’Uomo Vogue” сэтгүүлийн 7, 8 сарын дугаарын зургийг чимэглэсэн байна.
Бруклины удаагийн сэтгүүлийн ковер зургийг түүний ээж загвар зохион бүтээгч Виктория Бекхэм ч өндрөөр үнэлж, зургуудыг нь инстаграмм хуудастаа нийтлэн "Үнэхээр бахархаж байна” гэх тайлбарыг зүүсэн байв.