С.Ганбаатар Дарханд "босоо” хэмээдэг ч тэрбээр энэ удаа сонгуульд нэр дэвших эсэх нь эргэлзээтэй болчихлоо. Тэрбээр "Эх орончдын нэгдсэн эвсэл”-ээс нэр дэвшихээр бүртгүүлсэн ч, харамсалтай нь иргэд түүний эсрэг гомдол гаргасан юм. Дархан-Уул аймгийн 43 дугаар тойрогт "Эх орончдын нэгдсэн эвсэл"-ээс нэр дэвшигч С.Ганбаатар нь хуурамч материал бүрдүүлэн сонгуульд нэр дэвшсэн талаар иргэн С.Наранцэцэг, Б.Цэрэнбадам нар Сонгуулийн ерөнхий хороонд гомдол гарган 31 хуудас баримт бичиг дискний хамт хүлээлгэн өгсөн байна. Сонгуулийн ерөнхий хорооноос уг гомдлыг судалж үзээд Цагдаагийн байгууллагад шалгуулахаар хандсан аж. Цагдаагийн байгууллага шалгасны үндсэн дээр түүнийг нэр дэвших үү, үгүй юу гэдгийг нь тодорхой болгох юм.

Тэр уг нь ХҮН-ыг төлөөлж сонгуульд орох байсан. Гэвч энэ улс төрийг нь хоёр том нам хамжиж байгаад хаачихсан. Харин одоо өөрийг нь улс төрөөс гаргах гэж хавчиж байна. С.Ганбаатарыг шалгаж, түүнийг сонгуульд өрсөлдүүлэхгүй байх нь улстөрчдийн тактик. Үүнд нь тэрбээр бууж өгөхгүй гэж хичээсэн ч, бууж өгөхөөс өөр сонголт үлдээхгүй байж мэдэх. Энэ бол түүнийг сонгуульд өрсөлдүүлэхгүй байх хууль эрх зүйн шийдвэрийг нь гаргах явдал. Цаг хугацааны л асуудал байх. Хэрэв ийм нөхцөлд С.Ганбаатар орвол түүнд сонголт үлдэхгүй биз. Учир нь хуулиар нэгэнт тогтоогдчихвол нэр дэвшигч өрсөлдөх боломжгүй болохыг Сонгуулийн тухай хуульд заачихсан. Иймд түүнд сонголт үлдээсэнгүй бололтой.      

                       М.Төр   http://www.tsenzurgui.mn/