Сөүлд залхуурлын аварга шалгаруулах тэмцээн болж 70 хүн оролцсон тухай RT мэдээллээ. Уралдаанд оролцогсод эхлээд юу ч ширтэлгүй хагас цаг сууж байсан гэнэ.

Vice сайтын мэдээлснээр тэмцээн Өмнөд Солонгосын нийслэлийн Ичон Ханган паркт болж өнгөрчээ. Тэмцээнд оролцогсод юу ч хийхгүй, юу ч ярихгүй, цаг эсвэл гар утас харахгүй бас унтахгүй, ер нь юу ч хийх ёсгүй байжээ. Оролцогсод юм уух эсвэл угаалгын өрөө рүү явах гэх мэтээр ямар нэг юм хийхийг хүсвэл хасагдаж байж.

Ингээд хамгийн удаан юу ч хийлгүй тэссэн нь тэргүүлсэн байна.

Уг тэмцээнийг санаачлагч нь зураач Вупс Янг байжээ. Space Out хэмээх энэ санаа түүнд хамаарах гэнэ. Тэрбээр юу ч хийхгүй залхуурч суух ямар хэцүү гэдгийг хүмүүст ойлгуулахын тулд ийм тэмцээн зохион байгуулахаар санаачилсан хэрэг аж.

Энэ жил реппер Шин Хе-Сеоб 90 минут юу ч хийхгүй байж тэргүүлсэн байна.

2014 онд анхны тэмцээн болсон ба жил бүр илүү олон хүмүүс үүнд татагддаг гэнэ. 2016 онд 2000 хүмүүс оролцохыг хүссэнээс зөвхөн 70 хүмүүсийг оролцуулсан аж.