Улсын сургуулиудын босго оноо 400-гаас эхэлж байна
Элсэлтийн ерөнхий шалгалтын дүн энэ сарын 1-нд гарсан. Үүний дараахнаас их, дээд сургуулиудын бүртгэл эхэлсэн билээ. Энэ жилийн хувьд МУИС, АШУҮИС босго оноогоо 400-гаас дээш байхаар заажээ. Тус сургуулиуд элсэгчдээ цахимаар бүртгэж байна. АШУҮС-ийн хувьд 17 мэргэжлээр 1667 оюутан элсүүлнэ. ШУТИС-ийн бүртгэл энэ сарын 5-ныг хүртэл үргэлжлэх бөгөөд 400-гаас дээш босго оноотой байх шаардлага тавьж байна. Харин БХИС-ийн хувьд бакалаврын хөтөлбөрт бүртгүүлэх бол ЭЕШ-д 500-аас дээш оноотой, мэргэжлийн боловсрол олгох хөтөлбөрт бүртгүүлэгч нь 480-аас доошгүй оноотой байх ёстой гэнэ. ХААИС-ийн босго оноо сургууль тус бүрээсээ шалтгаалж 400-600 оноотой байх шаардлага тавьжээ. Бүртгэлийг цахим хаягаар болон хичээлийн байран дээр хийж байгаа юм байна.
Сэтгэгдэл байхгүй байна.