Су.Батболд өнөөдөр шинэхэн албаа хүлээн авна
НИТХ-ын ээлжит хуралдаан өнгөрсөн амралтын өдөр болж нийслэлийн Иргэдийн Төлөөлөгчдийн долоо дахь удаагийн хурлын анхдугаар хуралдааныг өчигдөр хуралдуулахаар товлосон ч тодорхой шалтгааны улмаас өнөөдрийг хүртэл хойшлуулсан юм. Хойшлох болсон шалтгаан нь нийслэлийн МАН-аас хотын даргад нэр дэвшиж буй Су.Батболдын УИХ-ын гишүүний бүрэн эрхийг хугацаа дуусаагүй учир ИТХ-ын анхдугаар хуралдааныг хойшлуулах хүсэлтэй байгаагаа Нийслэлийн МАН-ын дарга Ц.Сандуй, НИТХ-ын дарга Д.Баттулгад бичгээр илгээжээ. Харин АН-аас сонгогдсон ИТХ-ын төлөөлөгчдийн зүгээс наадмын бэлтгэл, АСЕМ-тай холбоотой хот тохижилтын ажил зэрэг хийх бүтээн байгуулалтын ажил их байгааг сануулаад хуралдааныг ийнхүү нэг хоногоор хойшлуулсан юм.
• Нийслэлийн ИТХ-ын сонгууль явуулсан дүн, бүрэн эрхийг зөвшөөрөх тухай
• Нийслэлийн ИТХ-ын даргыг сонгох
• Нийслэлийн ИТХ-ын Тэргүүлэгчдийн тоог тогтоож, Тэргүүлэгчдийг сонгох
• Нийслэлийн Засаг дарга бөгөөд Улаанбаатар хотын Захирагчид нэр дэвшүүлэх тухай асуудлыг хэлэлцэхээс гадна Нийслэлийн Засаг даргын албан тушаалд хэнийг томилох вэ гэдэг асуудлыг хэлэлцэж шийдвэрлэх юм.
Өөрөөр хэлбэл, нийслэлд МАН-ынхан олонх болсон учраас хотын даргыг томилох хуультай бөгөөд үүний дагуу өнгөрсөн баасан гарагт тус намын Удирдах зөвлөл хуралдаж Нийслэлийн захирагчийн албан тушаалд Су.Батболдын нэрийг дэвшүүлсэн юм. Ямартай ч олонх болоод буй МАН-ынхан Үүл даргын багийн хийж хэрэгжүүлсэн гэр хорооллын дахин төлөвлөлт, "Сайн хашаа” хөтөлбөр, Төрийн үйлчилгээний супермаркет, "Найрсаг Улаанбаатар” хөтөлбөр зэргийг цаашид бодлогоор үргэлжүүлэх болно гэдгээ ч мэдэгдсэн.
Сэтгэгдэл байхгүй байна.