Өндрөө тохируулж чадаагүйн улмаас “Ил-76” онгоц сүйрчээ
ОХУ-ын Онцгой байдлын сайд Владимир Пучков ""Ил-76” нисэх онгоцны хар хайрцгийн мэдээллийг шалгахад онгоцыг сүйрэхэд хүргэсэн техникийн саатал байгаагүй" гэж мэдэгджээ. Мөн тэрбээр "мөрдөн байцаагчид шалгалтыг үргэлжлүүлж байгаа бөгөөд Нислэгийн хороо шалгалтын дүнг танилцуулна" гэв.
Нисэх онгоц ОХУ-ын Эрхүү мужийн уулархаг нутагт зөвшөөрөгдөх хамгийн нам өндөрт нисч байна гэсэн мэдээллийг шалгалтын явцад тодруулаад байна гэж эх сурвалж мэдэгдсэнийг "Коммерсантъ” сонинд мэдээлжээ.
Уг нисэх онгоцны туршлагатай нисгэгч тухайн газар нутгийн хамгийн өндөрлөг хэсгээр 200 метрийн зайтай өнгөрөхийн тулд замаа зөв сонгосон боловч өндрөө тохируулж чадаагүйн улмаас осол гарсан гэж мэдээлэлд дурджээ.
Сэтгэгдэл байхгүй байна.