"Yahoo” компани энэ оны хоёрдугаар улиралд 440 сая долларын алдагдалтай ажиллажээ. Гэсэн хэдий ч гол цахим бизнесээ худалдах эсэх талаар тус компани тодорхой мэдээлэл өгөөгүй байна.

 

"Yahoo” компанийн хайлтын системийг худалдах болон зар сурталчилгааны үйл ажиллагааг шинэчлэх ажил удаашралтай явагдаж байгаад тус компанийн хөрөнгө оруулагчид сэтгэл дундуур байгаа юм. Харин компанийн гүйцэтгэх захирал Марисса Майер хэлэхдээ "бид стратегийн тал дээр гайхалтай дэвшил гаргасан" гэж мэдэгджээ.

Энэ оны зургадугаар сар хүртэлх гурван сарын хугацаанд орлого 60 сая доллароор нэмэгдэж 1.3 тэрбумд хүрсэн гэж "Yahoo” компани мэдээлж байсан билээ. Тус компанийн гар утасны борлуулалтын орлого 252-378 сая болж өссөн хэдий ч орлогын өсөлтөд цахим бизнес нь гол үүрэг гүйцэтгэжээ.

"Yahoo” компанийн ирээдүй саяхан "AOL” корпорацийг худалдан авсан цахилгаан холбооны "Verizon” компаниас шалтгаалах төлөвтэй байна.